Бекітемін 

                                                                         Мектеп-лицей  директоры          А.Бимырзаева

№ 52 мектеп-лицейінің қазақ тілі мен әдебиеті пән бірлестігінің  06- 10 қыркүйек  аралығындағы   « Тіл –татулық тірегі» атты   апталық  жоспары

                                           «Өз  тілі мен әдебиеті  бар ел   ғана  дербес  ел                                                 бола  алатынын  біз   ұмытпауымыз  керек»  
А.Байтұрсынов  

Орындаған      Шертаева Г.

                                                 Мәлімет

      52 мектеп-лицейінде 2021-2022 оқу жылында 6-10 қыркүйек аралығында «Тіл –татулық тірегі» атты апталықтың өтілуі жайлы жоспар құрылып, бекітілді. 

        Мақсаты: Қазақ тілі мен әдебиетінің мол мұрасымен кеңінен таныстыру, пәннің адам өміріндегі маңыздылығын түсіндіру, тілдің мемлекеттік мәртебесін қалыптастыру. Қазақ тілінің қолданылу аясын кеңейтуге үлес қосу. Қазақ халқының әдебиетін негізге ала отырып, көркем әдеби шығармалардағы кейіпкерлердің игі істерін насихаттау арқылы елжандылыққа, адамгершілікке, бауырмалдыққа тәрбиелеу. Тілін, елін сүйе білуге үйрету.

   6-10 қыркүйек аралығында қазақ тілі мен әдебиеті пән бірлестігінің ұйымдастыруымен « Тіл –татулық тірегі» атты апталық өтті. Апталық аясында бекітілген жоспар бойынша мектебіміздің қазақ тілі мен әдебиеті пән бірлестік мұғалімдері, тіл мамандары Қазақстан Республикасының мемлекеттік   тілін, мәдениетін, салт-дәстүрін қорғауға және дамытуға бағытталған түрлі іс-шаралардың өтуіне белсене ат салысты.

Бірінші күні апталықтың  ашылу салтанаты болды. Апталық Қазақстан Респуликасының мемлекетік Әнұранымен ашылды.Жиынды директордың оқу ісі жөніндегі орынбасары Ұ.Камалова  мен қазақ тілі мен әдебиеті пән бірлестік жетекшісі Г. Жақсылыққызы сөз алып, тәуелсіз елдің мемлекеттік тілі мәртебелі де тұрақты болып, өрістеп дамуына үлес қосу жас жеткіншектердің жауапкершілігінде болатын міндет екендігінде тоқталып, сондай-ақ, ҚР Үкіметінің қаулысымен 5 қыркүйек –Қазақстан халқының тілдері күні боп бекітіліп, қазақ әліпбиінің негізін қалаған Алаш арысы, қоғам қайраткері Ахмет Байтұрсыновтың туған күнімен,апталықтың ашылу мерекесімен құттықтады. Апталықтың ашылуы қазақ әліпбиінің негізін қалаушы Ахмет Байтұрсыновтың туған күніне  арнап өткізілді. Сондай-ақ, Қазақстан халқының тілдері күніне байланысты мектеп мақтаныштары, жас қалам жас ақындары, көркемсөз оқу жеңімпаздары өз өлеңдерін оқып үлесін қосты.

Ұстаздар қауымының басты міндеті – шәкірттерін білім нәрімен сусындатып, болашақ ұрпаққа ұлағатты тәрбие беру. Осы мақсатта қазақ тілі пән мұғалімдері ашық сабақ, сайыс сабақ, ашық тәрбие сағаттары, дөңгелек үстел, көрме, танымдық сайыстар, мәнерлеп оқу, кітап оқу, эссе жазу жұмыстарын жүргізді.

Атап айтсақ, «Тіл   – татулық тірегі» тақырыбында   Дүйсенбаева Ж., Жұмабекова О. 8 –сыныптар арасында сайыс сабақ  өткізді.Оқушылар бәсекелестікке, пікірсайысқа түсуде белсенділік көрсетіп, ойын нақты дәлелмен сауатты жеткізетінін көрсетті.

Садуакасова Ж. Аманқұлова М. Ұстаздардың ұйымдастыруымен 7- сыныптар арасында сайыс сабақ өткізілді. Сайыс сабақта 7 « Ә» сыныбы өздерінің алғырлығын, білімділігін көрсетіп жеңіске жетті.

Акимова Н., Көпекова С., Беспаева К.  Ұстаздар «Тіл мерекесі – ел мерекесі» тақырыбында бастауыш сынып оқушылары  арасында ашық тәрбие сағатын өтті. Абай Құнанбайұлының, Ыбырай Алтынсариннің, Тіл туралы өлеңдерін  мәнерлеп оқып, насихаттады.

  Ы. Алтынсариннің 180 жылдық мерейтойына орай "Дала қоңырауы" тақырыбында  Еркінбекова А 10 «Ә» сыныбымен ашық сабақ өтті. Ашық сабаққа оқушылар белсенді қатысты.  Төлемисова Э. «Ана тілі- ұлт байлығы» атты 5 «А» сыныбымен ашық тәрбие сағатын өтті. Ашық сабақта  оқушылар шығармалардан көрініс қойып, актерлік шеберліктерін көрсетті. 

«Ана тіл – ұлт байлығы» тақырыбында 5-7 сынып арасында жазба жұмысы, «Тіл- тірегім, соғып тұрған жүрегім» тақырыбында  8-11 сыныптар арасында эссе жұмыстары алынып, марапатталды.

 Нурадинова Г. «Таулардан өзен ағар сарқыраған» тақырыбында 6 «А» сыныбында ашық сабақ өткізді. Ашық сабақта түрлі әдіс- тәсілдер қолданып, сабақ мақсаты орындалды. Мұғалім өзінің шеберлігін жан-жақты көрсете білді.

  Құрманбаева Т., Дүйсенова Б. Тантық С. Ұстаздар  2-7 сыныптар  арасында оқыған шығармалары бойынша сурет салу сайысын өткізді. Сайыс өте әсерлі өтті. Оқушылар оқыған шығармаларынан алған әсерлерін қылқаламмен сурет салу арқылы бөлісе білді. Жеңімпаздар марапатталды.

 Амирова Қ ,   Амирбекова П     «Ұлы тұлға есімдері»   қазақ ақыны, әдебиеттанушы ғалым, түркітанушы, публицист, педагог, аудармашы, қоғам қайраткері Ахмет Байтұрсынұлының туғанына – 150 жылдық мерейтойына орай Ахмет туралы оқушылар арсында сұхбат жүргізді. Оқушылар сұхбатқа белсене қатысты.

  Нурадинова Г, Абдукаримова Қ, Зейнулова Ж. «Жақсылар дастан айтайын..» жобасы бойынша қолға алынып отырған «Едіге батыр» жырын жатқа оқу сайысын өткізді.  

Апта бойы әр сыныптар арасында тіл мерекесіне байланысты қабырға газеттері шығып, ілініп отырды.

Бірлестік мұғалімдері барлық іс-шараларға белсене қатысты. 

«Тіл –татулық тірегі» атты апталық жабылуына барлық өнерлі оқушылар қатысып, белсене қатысқан оқушыларды марапат қағазымен марапаттаумен аяқтады.