01
май
2021
"ӘРІПТЕСКЕ ҚҰРМЕТ" айдары
"ӘРІПТЕСКЕ ҚҰРМЕТ" айдары
Ұстаз болу — жүректің батырлығы,
Ұстаз болу — сезімнің ақылдығы
Ұстаз болу — мінездің күн шуағы
Ұстаз болу — адамның асылдығы.
Елбасы Нұрсұлтан Назарбаев «Еліміздің ертеңі бүгінгі жас ұрпақтың қолында, ал жас ұрпақтың тағдыры ұстаздардың қолында», – деп мұғалімдер қауымына үлкен сенім, жауапкершілік артқан болатын.
Бүгінгі біздің кейіпкеріміз ізденімпаз Ұстаз, бақытты Ана, еңбек жолын ұстаздыққа арнаған, көптеген халықаралық, республикалық, облыстық және аудандық білім басқармасының марапаттарының иегері, информатика пәнінің "Зерттеуші -педагог" мұғалімі Тыныштыкбаева Нургуль Бегалиевна апайымыз. Ұстаз еңбек өтілі барысында білімді де дарынды шәкірттер тәрбиелеп келеді. Өз бойындағы жақсы қасиеттері мен білім нәрін беріп жүрген Нургуль Бегалиевна ұжымымыздың әріптестері арасында зор құрметке ие. Сабақтары өте жоғары деңгейде өтіп, «Алғыс хатпен» марапатталды. 2018 жылы оқушысы ғылыми жобаларды қорғауда үздіктер қатарынан бой көрсетті.Былтыр тәжірибелі ұстазға қалалық білім басқармасының құрмет грамотасы мен Алғыс хаттары табыс етілді.Сонымен қоса, сүбелі еңбегі үшін Білім және Ғылым министрлігінің Құрмет грамотасымен марапатталды.Нургуль Бегалиевнаға еңбек жолында қажымас қайрат және зейінді де парасатты шәкірттер тәрбиелеуде қанаты талмасын деп тілейміз!
