26
декабрь
2020
Жұлдыздар шеруі
Білім берушілердің алдындағы басты назар аударатын міндеттердің бірі-дарынды балаларды анықтап, оларды шығармашылыққа баулу, терең біліммен қаруландыру. Шымкент қаласы #52 мектеп-лицейінде 2019-2020 оқу жылының жоспары негізінде оқушылардың "Дарын" ғылыми қоғамы жоспарға сәйкес өз жұмысын ойдағыдай атқаруда деуге тұрарлық. "Әр баланың қабілетті екеніне сенім білдіру және жоғары академиялық стандарттар мен әлеуметтік белсенділікке бірге ұмтылу" деген мектеп басшымыз Айнұр Жарылқасынқызының ұстанымымен мектеп-лицейіміздің миссиясын жүзеге асыруда биылғы оқу жылының І жартыжылдығында атқарылған бірқатар жұмыстар 20 желтоқсан күнгі мектебімізде берілген қалалық семинарда "Жұлдыздар шеруімен" жұртшылық алдында таныстырылды. Мектеп ұстаздары жоғарғы оқу орнының ұстаздарымен ғылыми жетекшілік жасауда тығыз байланыста жұмыс жасау нәтижесінде оқушыларымыз Республикалық, Халықаралық деңгейдегі ғылыми жобаларға қатысып, жүлделі орындарды иеленуі қуантарлық жағдай. Алдағы уақытта да шығармашыл ұстаздардан шығармашыл шәкірттердің көптеп шығуына сеніміміз мол.
