Лицей сынып айдары. "Адам анатомиясы жəне физиологиясы"

"Адам анатомиясы жəне физиологиясы" электив курсынан алған теориялық білімін тәжірибе жүзінде ұштастыру мақсатында №52 мектеп-лицейінің 8 "Д" сыныбының оқушылары "Авиценна"  медициналық колледжінің анатомиялық мұражайында болып, ондағы оқыту жүйесі мен жұмыс барысымен танысты. Ондағы анатомиялық мұражай оқушылардың ерекше қызығушылығын туындатты, өйткені мұражайға қойылған барлық мүмкін болатын ылғалды препараттар арқылы адам өзінің дене құрылысы туралы, адам ағзасының барлық егжей-тегжейлі  ерекшеліктері туралы біраз мағлұмат ала алады. Әсіресе, оқушылар ылғалды препараттардың ішіндегі ерекшесі - туа біткен патологиясы бар балалар мен ауырған адамдардың органдары екенін ұғынды. Биология пәнінің мұғалімі Абдрайтынова Марзия Мұқтарқызы оқушыларға зиянды әдеттердің ағзаға тигізетін ауыр әсерлері туралы кеңінен түсінік беріп, олардың нәтижесін анық көрсетті.