16
октябрь
2020
“Ең білімді педагог-2020”
Ұстаздық қызмет өмір бойы ізденісті, шығармашылықты, өзін-өзі дамытуды, білімділікті қажет етеді. Білім саласында көп жылдан бері қызмет етіп жүрген Шымкент қаласы #52 мектеп-лицейдің ұлағатты біраз ұстаздары талапқа сай онлайн жүйесіндегі электронды порталдарда жұмыс істеуді меңгеріп, қашықтықтан өткізіліп жатқан байқаулар мен сайыстарда өз бақтарын сынап, заман ағымынан қалмай алдыңғы шепте жүргені біз үшін қуанарлық жәйт. Атап айтсақ, педагог қызметкерлерге арналған ІV Республикалық “Ең білімді педагог-2020” олимпиадасына математика пәнінің мұғалімі Мырзахметова Күланда апайымыз қатысып жүлделі І орынды, қазақ тілі пәнінің мұғалімі Дүйсенова Баян апайымыз ІІ орынды, “ККО.KZ” веб сайтының ұйымдастыруымен математика пәнінің мұғалімдеріне арналған республикалық пән олимпиадасында Калходжаев Нұрман ағайымыз І орынды иемденіп, дипломдармен марапатталды. Ұстаздарымызға білім жолындағы қажырлы еңбектеріңіз жемісті болсын дейміз.
