26
октябрь
2019
"ІІ Тасмұрзаев" олимпиадасы
Талабы таудай, қабілеті мол жастарымыз көбейіп, адамзат игілігіне үлес қосып жатса, олар ұлтымыз үшін мақтаныш. Сондықтан талантты, дарындыны дер кезінде танып, оларға дұрыс бағыт беріп, қолдау көрсету-әрбір ұстаздың міндеті. Солардың бірі Шымкент қаласы #52 мектеп-лицейінің математика пәнінің мұғалімдері Н.Калходжаев пен Н.Әбілхай дарынды балаларды олимпиадаға дайындауда оңды істер атқарып келеді. 2019 жылдың 26 қазаны күні өткізілген қалалық "ІІ Тасмұрзаев" олимпиадасында 6-сынып оқушысы Әбен Нұрасыл ІІ орынды (Жетекшісі Н.Калходжаев), 5-сынып оқушысы Құралбай Керемет ІІІ орынды (жетекшісі Н.Әбілхай) иемденіп, мектеп-лицейінің мерейін үстем етті. "Дарындылық негізі -ізденіс пен белсенділік" демекші, дарынды балаларды іздендіруде, шығармашылық қабілетін дамытуда ерекше жағдай жасап отырған мектеп басшысы Айнұр Жарылқасынқызының талабы мықты. Аталмыш жүлдегер оқушыларымыз 17 қарашада Ақтөбе қаласында өтетін Республикалық " ІІ Тасмұрзаев" олимпиадасына қатысуға жолдама алды. Оқушыларымызға алдағы дүлдүл жарыста жүлделі орынды иемденіп, қаламыздың абыройын асқақтата беруіне сәттілік тілейміз.
